Kaj te czasy z downych lot kej jako bajtle czekali my na Dzieciątko? Ni ma, downo niy ma. Jyno wspomniynia sie ostały, takie trocha markotne, smutne bo wiym iże już niy wrócom. Tela że my starsi mieli takie prawdziwe, takie richtig Święta z Dzieciatkiym. A zaczynały sie tak
Nasz farosz - Broy sie zwoł - już od listopada prowadził tako reklama wto z nos bydzie mioł nojgryfniejszy lampion, pokazywoł we kościele jak nojlepi zrobić światło w lampionie na bateria płasko. Ino niy tylko łon nos namawioł, nauczyciel łod "prac ręcznych" budowoł z nami te lampiony. Wto w doma jodoł czekulada to mioł fajnie bo tym zilbrym środek wyklejoł i światło boło wiynksze. Aż przyszoł 1 grudzień tosz jo już spać nie umioł czekajonc aż bydzie pół szosty by wartko się ubrać, szolka mlyka łod matki wypić i z lampionym po cimoku do kościoła. A we kości8ele dziynnie boło ciymno aż ksiondz zaśpiywoł piyrwse słowa https://www.youtube.com/watch?v=gwSwdQJSjbM wtedy światło sie łoświycało a my lampki gasiyli. I tak było aże do wiliji kej Anio9ł stanoł na nojwyższym schodzie adwyntu. A niy musza godać co my na Ślonzeczku zowdy już śniyg mieli. Na pastyrka to łojce nos niy brali bo i tak my byli geszynkami zajynci.
A co jest teroz? Nim się świynta zacznom to my już som nimi znudzyni. Kej my się skludziyli do Niymiec to piyrsze co mie szokło to boły świynta Bożego Narodzynio łod Zaduszkow - tukej i tak poru ło tym dniu pamiynto. Za to wielu rdzynnych Niymcow łod nos , Ślo9nzokow uczoło sie naszy tradycji,. Trocha dziwnym je mi teroz moda na wzor polskich pastuszkow we naszym cyntrum w Kolonii kaj bebokiym je niy wto inny jyno som Kaczyński. No cosz począć, tako prasa, tako opinio tego nojgorszego w Europie łonymu przypisujom. Trocha śmiyszniejszy je Duda za żyda obleczony ale musza pedzieć że majom chopcy wziyncie i ino czekać na poniedziałek kej ze swym tyjatrym do Rösrath zawitajom. Bo tam nos Ślonzokow wielko grupa miyszko.
https://www.youtube.com/watch?v=jqJ02n-0Y5s
Inne tematy w dziale Rozmaitości
